السلام عليكم ورحمة الله وبركاته
أنا مش فاضى أكتب حاجه دلوقتى لأنى عندى امتحانات طحن .. بص حبيت أقولك يا أنس انت واللى بالى بالك انى رجعت والحمد لله .... أنا لسه عايش ..يعنى لسه حى...... ادعيلى...لو سمحت ... خلاص ارتحت؟!!!

المراقبة الذاتية

المراقبة الذاتية

في الحديث الشريف :

قال النبي _صلى الله عليه وسلم_ :

(لأعلمن أقواما من أمتي يأتون يوم القيامة بحسنات أمثال جبال تهامة بيضاء فيجعلها الله هباء منثورا) قيل: يا رسول الله صفهم لنا ؛جلهم لنا أن لا نكون منهم ونحن لا نعلم؟

قال: (أما إنهم إخوانكم ومن جلدتكم ويأخذون من الليل كما تأخذون ولكنهم قوم إذا خلو بمحارم الله انتهكوها).

قد يبتعد الإنسان عن المعاصي والذنوب إذا كان يحضره الناس ؛وعلى مشهد منهم ؛لكنه إذا خلا بنفسه وغاب عن أعين الناس أطلق لنفسه العنان ؛فاقترف السيئات ؛وارتكب المنكرات (وكفى بربك بذنوب عباده خبيرا بصيرا) }الإسراء:17{ ؛(وما الله بغافل عما يعمل الظالمون)}البقرة:74{.

بل إن الإنسان ليقع في ذنب ؛لو كان بحضرته طفل لامتنع من الوقوع فيه ؛فصار حياؤه من هذا الطفل أشد من حيائه من الله جل وعلا ؛ أتراه_ في هذه الحالة_ مستحضرا قول الله تعالى: (أولا يعلمون أن الله يعلم ما يسرون وما يعلنون ) }البقرة:77{ (ألم يعلموا أن الله بعلم سرهم ونجواهم و أن الله علام الغيوب)}التوبة :78{

ويحك يا هذا :ان كانت جرأتك على معصية الله لاعتقاد أن الله لا يراك ..فما أعظم كفرك.
وان كان علمك باطلاعه عليك ..فما أشد وقاحتك ؛وأقل حياءك!! (يستخفون من الناس ولا يستخفون من الله وهو معهم اذ يبيتون ما لا يرضى من القول وكان الله بما يعملون محيطا)}النسا ء: 108{
من أعجب الاشياء أن تعرف الله ثم تعصيه ؛وتعلم قدر غضبه ثم تعرض له ؛و تعرف شدة عقابه ثم لا تطلب السلامة منه ؛ وتذوق ألم الوحشة فى معصيته ثم لا تهرب منها ولا تطلب الانس بطاعته .
قال قتاده (ابن آدم والله ان عليك لشهودا غير متهمة فى بدنك ؛ فراقبهم ؛واتق الله فى سرك وعلانيتك فانه لا يخفى عليه خافية ؛الظلمة عنده ضوء ؛ والسر عنده علانية ؛فمن استطاع أن يموت وهو بالله حسن الظن فليفعل ؛ولا قوة الا بالله)
(وما كنتم تستترون أن يشهد عليكم سمعكم ولا أبصاركم ولا جلودكم ولكن ظننتم أن الله لا يعلم كثيرا مما تعملون_ وذلكم ظنكم الذى ظننتم بربكم أرداكم فأصبحتم من الخاسرين)}فصلت 22؛23{
قال ابن الاعرابى :آخر الخاسرين من أبدى للناس صالح أعماله ؛وبارز بالقبيح من هو أقرب اليه من حبل الوريد ...قال تعالى :(ولقد خلقنا الانسان ونعلم ما توسوس به نفسه ونحن أقرب اليه من حبل الوريد )}ق:16{

اذا ما خلوت الدهر يوما فلا تقل *******خلوت ولكن قل على رقيب
ولا تحسبن الله يغفل ساعة *******ولا أن ما نخفيه عنه يغيب

ان تقوى الله فى الغيب ؛وخشيته فى السر ؛دليل كمال الايمان ؛وسبب حصول الغفران ؛ودخول الجنان ؛بها ينال العبد كريم الاجر و كبيره (انما تنذر من اتبع الذكر وخشى الرحمن بالغيب فبشره بمغفرة وأجر كريم)يس:11{
(ان الذين يخشون ربهم بالغيب لهم مغفرة وأجر كبير)}الملك :12{
(وأزلفت الجنة للمتقين غير بعيد _هذا ما توعدون لكل أواب حفيظ_من خشى الحمن بالغيب و جاء بقلب منيب _ادخلوها بسلام ذلك يوم الخلود_ لهم ما يشاؤون فيها ولدينا مزيد )}ق:31-35{
وكان من دعاء النبى _صلى الله عليه وسلم_ (أسألك خشيتك فى الغيب والشهادة ) والمعنى أن العبد يخشى الله سرا وعلانية ؛ ظاهرا وباطنا ؛ فان أكثر الناس قد يخشى الله فى العلانية وفى الشهادة ؛ولكن الشأن خشية الله فى الغيب اذا غاب عن أعين الناس فقد مدح الله من خافه بالغيب .
وكان بكر المزنى يدعو لاخوانه (زهدنا الله واياكم فى الحرام زهادة من أمكنه الحرام والذنب فى الخلوة فعلم أن الله يراه فتركه )...وقال بعضهم :( ليس الخائف من بكى فعصر عينيه انما الخائف من ترك ما اشتهى من الحرام اذا قدر عليه ).

اذا السر والاعلان فى المؤمن استوى ****فقد عز فى الدارين واستوجب الثنا
فان خالف الاعلان سرا فما له *****على سعيه فضل سوى الكد والعنا

الامور الموجبة لخشية الله_ عز وجل _ :

1_قوة الايمان بوعده ووعيده على المعاصى
2_النظر فى شدة بطشه وانتقامه وسطوته وقهره ؛وذلك يوجب للعبد ترك التعرض لمخالفته ؛ كما قال الحسن :(ابن آدم : هل لك طاقة بمحاربة الله ؛فان من عصاه فقد حاربه )..
3_قوة المراقبة لله ؛ والعلم بأنه شاهد رقيب على قلوب عباده و أعمالهم ؛و أنه مع عبا ده حيث كانوا ؛فان من علم أن الله يراه حيث كان ؛وأنه مطلع على باطنه وظاهره وسره وعلانيته ؛واستحضر ذلك فى خلواته ؛أوجب له ذلك ترك المعاصى فى السر .
قال وهب بن الورد:(خف الله على قدر قدرته عليك ؛واستحى منه قدر قربه منك )..وقال :(اتق الله أن يكون أهون الناظرين اليك).
4_استحضار معانى صفات الله تعالى ؛ومن صفاته (السمع ؛البصر ؛العلم )فكيف تعصى من يسمعك ويبصرك ويعلم حالك ؟!

الحقونا

تلك الرسالة وصلتنى منذ ما يقرب الأربعة أعوام من الأخ العزيز ا/عمرو خالد ردا على رسالة بعثتها اليه بعنوان (الحقونا ) حدثته فيها عن بعض المشاكل التى واجهتنى ووجدتها فى كثير من أصدقائى حيث كنا نعانى من عواصف وأعاصير ما يسمى بفترة المراهقة؛ فقررت أن أعرضها عليكم بعد أن اختزلت منها المقدمة عسى الله أن ينفع بها أحدا ...

أخي الحبيب:

أعلم مدى صعوبة الثبات على الطاعة فى هذا الزمن الذي يمتلئ بالفتن ،

يقول رسول الله صلى الله عليه وسلم " يأتي على الناس زمان الصابر فيهم على دينه كالقابض على الجمر"

و لكن الله تعالى يقول:"و الذين جاهدوا فينا لنهدينهم سبلنا و إن الله لمع المحسنين".

و كما تعلم أخى الكريم فإن الإيمان ليس مجرد إعلان المرء بلسانه أنه مؤمن،

وليس هو مجرد قيام الإنسان بأعمال وشعائر أعتاد أن يقوم بها المؤمنون،

وليس هو مجرد معرفة ذهنية بحقائق الإيمان،

لأن الإيمان في حقيقته ليس مجرد عمل لساني ولا عمل بدني،

ولا عمل ذهني و إنما هو في حقيقته عمل نفسي يبلغ أغوار النفس ،

ويحيط بجوانبها كلها من إدراك وإرادة ووجدان.

و لذلك فإن هناك بعض الوسائل التي تعينك على الثبات على الطاعة و سوف أعرض لك

إن شاء الله بعض منها .

و بداية أود أن أوصيك بالتوبة عن أي معصية و أذكر لك شروطها :

-التوقف فورا عن المعصية.

-الندم الشديد على فعل المعصية.

-معاهدة الله على عدم الرجوع لهذه المعصية أبدا.

فإذا التزم العبد بالشروط الثلاثة فيجب أن يكون على يقين من أن الله تقبل التوبة وغفر الذنب

إن شاء الله.

وإذا كان هذا الذنب فى حق من حقوق العباد ففي هذه الحالة يضاف للشروط الثلاثة السابقة شرط رابع لتقبل التوبة وهو:

أن يتم رد المظالم والحقوق إلى أصحابها.

فمن فعل هذه الشروط فيقينا تاب الله عليه فلو أكثر بعد ذلك من الحسنات تتحول السيئات التى فعلها أثناء الذنب إلى حسنات بمعنى أنه بالحسنات بعد التوبة لا يغفر الذنب فقط بل ويتحول بنفس قدره إلى حسنات.
وإن عاد العبد للذنب مرة أخرى ثم تاب توبة نصوحة تقبل توبته ويغفر ذنبه ولو عاد مائة مرة

(فقد جاء أعرابي للنبى (ص) فقال: يا رسول الله أرأيت إن فعلت ذنبا يكتب علي؟ فقال النبى (ص):نعم يكتب. فقال الرجل: أرأيت إن تبت؟ قال:يمحى.قال:أرأيت إن عدت؟.قال يكتب. قال:أرأيت إن تبت؟. قال يمحى. فقال الرجل: حتى متى يمحى؟ فقال النبى (ص)"إن الله لا يمل من المغفرة حتى تملوا من الاستغفار"

و هناك العديد من الوسائل التى تعين على الثبات منها :

-الدعاء بالثبات فقد كان أكثر دعاء) النبي (ـ صلى الله عليه وسلم ـ (يا مقلب القلوب ثبت قلبي على دينك"والدعاء بالهدى "وقل عسى أن يهديني ربى لأقرب من هذا رشدا".

-إياك والفراغ فنفسك إن لم تشغلها بالطاعة شغلتك بالمعصية فحاول أن تشارك معنا أخى الكريم فى مشروعات صناع الحياة .

-عليك بالصحبة الصالحة فهى خير معين "واصبر نفسك مع الذين يدعون ربهم بالغداة والعشى يريدون وجهه "وعدم مصاحبة أصحاب المعاصى"ولا تطع من أغفلنا قلبه عن ذكرنا واتبع هواه وكان أمره فرطا" .

-الإكثار من الإستغفار والتوبة .

-كثرة حضور مجالس العلم والإستماع إلى الشرائط وقراءة الكتب، والتفقه فى الدين ،يقول رسولنا الحبيب صلى الله عليه وسلم : "فقيه واحد أشد على الشيطان من ألف عابد."

-زيارة القبور والقراءة عن الدار الآخرة.

-عدم رؤية ما يقسى القلب من البرامج والأغاني الفاسدة .

-البحث وراء سبب المعصية وعدم التواجد فى الأماكن التى تسهل عليك المعصية .

-المحافظة على الورد القرآني اليوم.

فاحفظ كل يوم ولو عشر آيات ،

وارتبط بمقرأة لتتعلم أحكام التلاوة ،

واحرص أن تكون من القوم الذين يجتمعون في بيوت الله لتلاوة القرآن ومدارسته فتحفهم الملائكة وتنزل عليهم السكينة ويذكرهم الله فيمن عنده .

2. حافظ على أذكار الصباح والمساء ،

وأكثِر من الإستغفار والتسبيح والتحميد والتهليل.

3. حافظ على درس علم أسبوعي .

4. لابد أن يكون لك حظ من الليل ،

وابدأ الآن بركعتين خفيفتين،

واعتيادك ذلك سيكون عونًا لك على الحفظ بإذن الله ،

لأنَّ القراءة من حفظك لها شأن آخر.

5.احرص على الدعاء بعد صلاة الفجر إلى أن تشرق الشمس ،

وصلي ركعتي الضحى لتكتب لك كل يوم أجر حجة وعمرة تامة تامة تامة.

وهكذا ابدأ في زيادة الطاعات والقربات لتحصن نفسك ،وتقربها أكثر إلى الله تعالى.

ولا يفوتنّك أخي الكريم الإكثار من ذكر الله ،

و قراءة القرآن ‏،

و المواظبة على الدعاء ،

حتى يَصرف الله عنك نوازع نفسك ونزعات الشيطان ،

و يطمئن قلبك "ألا بذكر الله تطمئنّ القلوب".

وأهلا و مرحبا بك أخى الكريم فى أي وقت و أنا فى انتظار تواصلك الدائم معى بإذن الله.

أسأل الله تبارك و تعالى أن يهدينا و إياك إلى سواء السبيل وأن يجعلنا من الهداة المهتدين فإنه على ما يشاء قدير و حسبنا الله و نعم الوكيل.

والسلام عليكم ورحمة الله و بركاته.

قطر المميزيين...من أمثالى طبعا.

قطر المميزين .....من أمثالى طبعا

على فكرة أنا مش من القاهرة..

بس كليتى فى القاهرة ...

عشان كده لازم أسافر
القاهرة ...

وعشان كده باركب قطر القاهرة ...

مرة فى أول الاسبوع ومرة فى اخره...
باركب القطر اياه اللى انتوأكيد عارفينه ...

اللى هو بيقووا عليه مميز..

مش عارف مميز على ايه؟

يمكن عشان بيركب فيه المميزين من أمثالى طبعا...

يعنى ده قطر الناس المميزين.
على فكرة دول مش مميزين بس ....

لالالا..دول مميزين جدا..

كل واحد مميز فى
حاجه ...

لكن الغريب ان فيه ميزة واحدة يشتركوا فيها كلهم:

اللى هى الصبر

سبحان الله على
صبرهم..

لو كلنا نصبر زيهم...

ياااه دول بيصبروا صبر ...
تخيلوا ممكن الواحد منهم يقف على رجل واحده ..

ساعه.. ساعتين ..

تلاته..مفيش مشكله...

بالذمه فيه أحسن من كده..
ممكن القطر يتأخر 5 دقايق أو حتى 5 ساعات برده هيصبر لانه انسان مميز ومستنى القطر المميز .
ممكن واحد يركب على الشبكة ..

ويدلل رجليه فى وشه..

وريحة شرابه معفنه..

وبرده يصبر ..

ماهو مميز وراكب القطر المميز

ممكن واحد رخم يشغل أغنيه رخمه ..

ورغم انه رخم ..

وهى رخمه..

هيسمعها غزبا عن اللى

خلفوه ...

وبرده هيصبر ..

لانه مميز وراكب القطر المميز

ممكن واحد أرخم يولع سجارة ..

وينفخ فى وشه ..

ويكح لما روحه تطلع...

وبرده هيصبر ...

يا سلام على التميز .

ممكن فى عز الشتا ..

ميكونش فيه ازاز ..

ويا عين أمه بيتنفض من البرد...

وبرده يصبر ..

ماهو مميز

ممكن موبايله ينسرق ..

أو محفظته ..

وبرده يصبر ..

أكيد حرامى مميز ..

يا بخته..

ممكن يسمع كلام فى غاية البذاءة ..

وبرده يصبر
ممكن يشوف حركات فى منتهى القذارة ...

وبرده يصبر..

ممكن شوية منايفة يخنقوه ..

أو يقلبوه..

وبرده بيصبر..

قمة التميز

ممكن واحده تعاكسه ..

ممكن يعاكس واحده ..

وكله بيصبر..

آدى التميز ولا بلاش

ممكن معهوش فلوس ..

وخايف من الكمسرى..

ويركب على الديزل..

مش همه يقع ..

مش همه حر .

ولا همه برد..

وبرده بيصبر...

ياااااه على التميز

مش ملاحظين برده..

زى ما انا ملاحظ ان فيه مواهب كتير بتتفجر فى القطر المميز ...

بس
خلينا دلوقتى فى الصبر..

وفى التميز.
نرجع لصاحبنا المميز ..............فى القطر المميز

تخيلوا انو ممكن يشعبت فى الباب ..

ما هو مفيش مكان ..

وممكن يقع..

ايده تنقطع ..

أو
هدومه ..

مش فارقه ..

لانه برده هيصبر....

ونعم التميز

ممكن بكل سهوله القطر يولع..

حد رمى سجارة..

أو حتى ولع باجور ..

ويموت الاف ..

وهو
بس اتحرقت ايديه ..

ورجليه..

وممكن كمان عينيه..

بس عايش ..

والحمد لله انه عايش ...

بذمتكم
مش عايش برده!!!

وبرده بيصبر ...

لانه بقى عنده عاهة...

يعنى بقى مميز أكتر من الاول
وغزبا عن أهله هيصبر ..

ويحمد ربنا انه عايش ..

ويوجه شكر خاص للحكومه
المصرية ...

اه ماهى صرفت له تعويض ..

أيوه تعويض تأمن له بيه مستقبله...

وما ينفعش
نقول كام ..

عشان ما نغريش الشباب بالتجربه .........
من الاخر أنا وغيرى من المميزين بنحمد ربنا ..لأنه فيه غيرنا من الدول المتقدمة زى
الصومال مثلا مفيهاش قطرنا ...المميز ...بتاع المميزين ...من أمثالى طبعا................

ياااااااااه

بسم الله الرحمن الرحيم
يااااااااااه أخيرا عملت مدونتى الخاصة ولأول مرة باكتب فيها ؛ بجد أنا كان نفسى أكلمكم من زمان واسمع منكم برده أكيد يعنى أصل انا ديموقراطى جدا وديكتاتورى جدا جدا ......لا لا لا بهزر طبعا احنا شبعنا ديكتاتورية وشبعنا استبداد وشبعنا سلبية .
عارفين اكتر حاجه مضايقانى فى أمى.......

اللى هى مصر .....

اللى هى أمكم برده ....

واللى طبعا أم الدنيا بحالها ...

ان شبابها للأسف اتربى على السلبية ..

عارفين يعنى ايه اتربى على السلبية ...

يعنى لو شاف حريقة هيقول وأنا مالى ...

لو شاف سريقه هيقول وانا مالى...

لو شاف خناقه هيقول وأنا مالى ...

لو شاف زحمة.. هيقول لحمه.. ولو مش لحمه ..هيقول وأنا مالى....

لوصحى فى يوم ملقاش ميه .. بس أغسل عينيه ..ولو مفيش مهياش قضيه ..هو انا مالى....

لو شاف صبيه ...على الرصيف مرميه ..وحواليها الكلاب مستنيه ..برده هيقول وانا مالى ....

لو ماشى فى الكلية ..اللى مليانه أمنجية ..وشاف مسيرة سلمية ..هيقول برده وانا مالى....

لو ساكن فى مدينه جامعيه ...وملقاش فى يوم نور ولا ميه ..يقول معلش نعمه فى ايديه..وبكرة تتعدل وحالنا يتبدل...بس برده وأنا مالى ...

خلينى أنا فى حالى ...دا امبارح مشرف جالى ... وقالى انت واحد من عيالى ..قاللى يابنى غلط الصوت العالى ..وخلى بالك انى حطك فى بالى ..
شباب شايف حاجات كتيييييير غلط من صغره ..

وشايف أهله ..

وقرايبه..

وأساتذته..

واصحابه ..

وكل الكبار اللى حواليه ..

كله خايف ...

كله ساكت ..

كله عايز يعيش ويربى عياله ..

ان شالله تولع ....

شايف الظلم فى كل مكان والناس ساكته ..

شايف الاستبداد ..

شايف الديكتاتوريه فى كل مكان من الحضانه للكليه ..

حتى الكليه ..

حتى الكلية مش عارف يتنفس فيها..

أساتذته اللى مفروض قدوته للأسف صاروا هم ازمته..

سايبينه فى محنته ..
كفايه كده لأنى تعبت من الكتابه وان شاء هنكلم تانى عشان نشوف حل للسلبيه اللى احنا فيها دى .....ولا رأيكو نصهين ونكبر دماغنا!!!